Byrjaðu 2015 við nógvum dystum í Bylgjuni

Í dag var fyrsti leikdagur í 2015. Nógv lið skuldu til Runavíkar at spæla og gekk tað sera væl at avgreiða kappingina.

Frá kl.9 í morgun og til kl.16 dystaðust liðini í dreingjum 12 b móti hvørjum øðrum.

A-liðið hjá Tjaldur er í hesum bólkinum og hava teir klára seg sera væl.

Teir vunnu allar sínar dystir, og eru nú einsamallir á odda í bólkinum.

Úrslit hjá dreingir 12

Kyndil b-Tjaldur a 6-15

VÍF b – Tjaldur a 10-17

Tjaldur a – H71 c 28-9

Aðrir dystir ið eisini vóru í dag vóru:

Dreingir 14b Tjaldur b-ÍA 11-9

Dreingir 16 Tjaldur – Neistin 20-22

2.d menn Tjaldur – StÍF 26-23

Nógv lív í Bylgjuni

Í gjár var nógv lív í Bylguni.

Í hondbóltshøllini var lív í frá 9 á morgni til kl. 21 á kvøldi, har ung og vaksin leiktu.

Dr.12 byrjaðu dagin, og gekk kappingin fyri myndarligt.

Síðan komu gentur 12. Fyri veður gav VB avboð til kappingina, so hetta merkti at H71 og Kyndil bert fingu ein dyst, men annars gekk væl.

Dreingir 16 hava ikki havt vind í segðlini fyrstu dystirnar, men í gjár manglaði lítið í til at teir fingu stig aftur. Taptu 22-23 móti KÍF.

1.d kvinnur leiktu móti einum sera góðu, ungum og skjótum Neista liði, so tær fingu oyruni eitt sindur í maskinuna. Neistin vann dystin 15-40.

2.d menn vann sín dyst móti Team Klaksvík.

Alt í alt ein sera væl eydnaður dagur í Bylgjuni.

Umframt allan hondbóltin, so skipaði Støkk eisini fyri kapping í amboðsfimleiki.

Ein fantastiskur ítróttardepil vit eiga.

Venjingartíðirnar 2014/2015

venjingartíðir_2014-2015c
Vælkomin til nýtt hondbóltsár.

Vit hava nú lagt eitt skema fyri veturin og vóna at tær koma at vera endaligar. Tað kann tó koma fyri at onkrar broytingar vera gjørdar.

Fyrstu tíðina vita vit at fótbólturin koyrir við fullari ferð. Hetta taka vit hædd fyri, men vóna at so nógv sum gjørligt fáa møtt upp til venjing.

Vit ætla at byrja venjingarnar mikudagin 3. september.

Tó so byrja U8 gentur og dreingir ikki fyrr enn 9 september og 11. september.

Vælkomin til eitt nýtt kappingarár, í nýggjari høll.

Vh

Hondbóltsfelagið Tjaldur

Jóhan og Johnny lokið ungdóms elitu venjara skeið

elituvenjararTólv føroyskir hondbóltsvenjarar hava um vikuskiftið tikið ungdómselituvenjaraskeið, har danin Peder Rasmussen legði lag á. Hoyvíkshøllin og Hoyvíkar Skúla vóru karmur um skeiðið, og raskir ungdómsspælarar úr H71 vóru til venjingarnar. Skeiðið gevur ungdómselituvenjarunum møguleikan at fara víðari í donsku venjaraútbúgvingini, har næsta stig er divisjónsvenjaraskeið.

Hesi eru ungdómselituvenjarar: Eddie Joensen, Johnny Lamhauge, Johan Danielsen, Heri Johnson, Jústines Justinussen, Harald Bjørgvin, Julian Johansen, Geir Wardum, Petur Mittún, Halgir Dahl Olesen, Rói Hentze Egilstoft og Súsanna Krossteig Hansen.

Tekstur og mynd eru av HSF.FO

Hondbólturin byrjar aftur

062

Eftir drúgvan steðg fer hondbólturin í Runavík veruliga í gongd aftur í vetur.

Karmarnir í nýggju høllini við Løkin kunnu ikki samanlíknast við nakra aðra høll í Føroyum.

Ljós og deilig høll. Spennandi verður at síggja hvussu nýggju karmarnir koma at roynast.

Ein nýggj byrjan

Sum tygum kunna, so hevur Hondbóltsfelagið Tjaldur nærum ligið stilt alt hetta kappingarárið, grunda á umvælingar av ítróttarhøllini, men álíkavæl hava vit tvey gentulið í kappingini henda veturin .

Nú nærkast ljósari tíðum, og eftir summarsteðgin verður ítróttarhøllin liðugt umvæld, tá fáa vit eina so gott sum nýggja høll aftur. Av hesum hava vit tí valt at kalla hetta “ein nýggj byrjan”.
Tó so, vit fara at halda áframm við ungdómsarbeiðinum sum vit hava gjørt tey seinastu fýra árini.

Einki felag hevur møguleikar fyri at yvirliva og/ella at mennast uttan uppbakning (stuðul) í fólkinum, í hesum sambandi fara vit tí at heita á tygum, um at stuðla okkum, við at gerast limur og rinda eitt limagjald. Limagjaldið er kr. 250,- um árið, fyri alt húskið. Hettar hevur ein ómetaliga stóran týdning fyri frammhaldandi menning av felagnum.
Hetta limagjaldi er galdandi fyri 2014.

Rindast kann á konto 6460-152.347.5 í Bank Nordik ella 9181-128.550.7 í Eik. Tað ber eisini til, at rinda í gjøgnum heimasíðu okkara www.tjaldur.net, Vel Limagjald í vinstru síðu, og sí vegleiðing á síðuni.

Limagjaldið fer til beinleiðis rakstur av ungdómsarbeiðinum hjá Hondbóltsfelagnum Tjaldur, sum fer at seta øll segl til, fyri at menna ungdómsdeildunum eftir summarsteðgin.

Nevndin

Enn eitt kappingarár komið at enda

Eyðbjørg B. Jacobsen upp til hoppskot
Eyðbjørg B. Jacobsen upp til hoppskot

Nógv eru helst tey, sum spyrja seg sjálvan um Hondbóltsfelagið Tjaldur ikki gavst við øllum virksemi. Svarið er bæði “ja og nei”

Eftir drúgvar samráðingar við Runavíkar kommunu, um hallartímar í ítróttarhøllini á Skála, valdi Hondbóltsfelagið Tjaldur um hálvan oktober 2013 at takka fyri seg og leggja alt virksemið niður.

Nes kommuna hevði longu í august verið beinasom og givið Hondbóltsfelagnum Tjaldur 5 tímar um vikuna at ráða yvir, í fimleikahøllini á Toftum, og hildu vit, at vit við teimum tímunum kundu halda teimum yngru liðunum koyrandi á Toftum, meðan man brúkti høllina á Skála til tey eldru. Men so skuldi ikki vera. Alt endaði við at nevndin ikki metti seg kunna gjøgnum føra eitt heilt kappingarár, undir verandi umstøðum.

Hetta vóru tað tó nógv sum vóru sera skuffa yvir. Fleiri av dreingja leikarunum, saman við eldru gentu leikarunum fóru yvir á Skála at venja við StÍF, meðan foreldur at yngru gentuleikarunum kallaðu inn til foreldrafund fyri at vita um ikki okkurt kundi gerast fyri at loysa trupulleikan.

Á foreldrafundinum hjá hesum gentum avgjørdu, foreldrini, felagið og venjarin at kallast skuldi inn til eykaaðalfund, og at man skuldi royna at manna eina nevnd, so felagið ikki datt niður fyri.

Venjingarnar hjá gentum 10 og 12 fóru tá í gongd aftur og hava hesir árgangir luttikið í hondbóltskappingini 2013/2014. A og B lið í gentum 12 og eitt lið í gentum 10.

Eitt fantastiskt kappingarár er farið aftur um bak. Genturnar hava verið hugagóðar at vant, um enn vit ikki hava havt fulla hondbóltshøll at venja í.

Tað eru ikki karmarnir sum skapa góðar leikarar, men ágrýtni og vilji til at fáa tingini at rigga, hevur gjørt, at tveir av leikarunum hjá Tjaldur eisini hava luttikið í talent venjingunum hjá HSF hendan veturin. Vit gleðast um góðu gongdina, og vóna at vit í framtíðini eisini koma at hava leikarar á talent liðunum.

Hóast úrslitini hjá gentunum ikki vóru tey bestu, so hava tær ment seg sera nógv í vetur. Vit vóna at tær koma at halda fram í nógv á afturat, og einaferð vera tær sum manna besta kvinnulið hjá Tjaldur.

Hvat hendur so komandi vetur?

Lat ongan iva vera um, at Hondbóltsfelagið Tjaldur ætlar sær at seta øll segl fyri, at koma í gongd aftur.

Tey nógvu ungu á eystara armi av Skálafjørðinum og inn til Gøtu og har á leið, skulu hava møguleikan at spæla hondbólt.

Nýggja nevndin er farin til verka, og ætlar í nærmastu framtíð at hava venjarar og annað uppá pláss, til komandi kappingarár.

Nýggja nevndin hevur skipað seg við:

Jústinus Tróndargjógv, formaður

Anita Sólsker, næstformaður

Niels Peter Bech, kassameistari

Katrin Absalonsen, nevndarlimur

Johnny Lamhauge, samskipari

Hondbóltsfelagið Tjaldur fer at takka gentum 10 og 12 og teirra foreldrum fyri eitt stuttligt og mennandi kappingarár. Við vón um at vit síggjast aftur næsta vetur.

Ein serlig tøkk til Nes kommunu fyri leigu av høllini veturin 2013/2014.