by admin

Nýtt kappingarár 2017/2018

Omanfyri síggjast venjingartíðirnar hjá øllum liðum.

Tað hevur drigið út við at fingið skemaðið uppá pláss, og tískil herja vit á beinanvegin. Fyrstu liðini byrja longu sína venjing í morgin, hósdagin 31. august kl.16:00.

Gevið gætur, at gentur 12 venja ikki hósdagin 31. august, men byrja týsdagin 5. september.

Gevið somuleiðis gætur at U8 børn byrja sína venjing mikudagin 13. september.

Vit eru klár yvir at onkur tíð møguliga rakar fótbóltin nú meðan bæði koyra, men vónandi finna vit eina loysn, soleiðis at øll fáa vænt eitt sindur tann fyrsta mánan, til fótbólturin er liðugur.

Við vón um at nógv møta upp til venjingina hjá Tjaldur í vetur.

Hondbóltsfelagið Tjaldur

by admin

Nýggj fólk í nevnd

Í gjár var árligi aðalfundurin hjá Hondbóltsfelagnum Tjaldur.

Fundurin var hildin í hølum felagsins í kjallaranum í ítróttarhøllini.

Forkvinnan, Selinda í Heiðunum, greiddi frá hvat nevndin hevði gjørt í farna árið og hvussu felagið hevði klára seg, og síðan bleiv roknskapurin fyri felagið lagdur fram.

Nevndin er mannað við eini fimm manna nevnd. Annaðhvørt ár velja vit tveir nevndarlimir og annaðhvørt ár tríggjar.

Í ár stóðu Selinda og Durita fyri valið. Durita ynskti at sleppa frá afturvali, meðan Selinda segði at hon kundi taka eitt skeið afturat um so var at eingin bjóðaði seg at koma uppí nevnd.

Harumframt ynskti Torben, sum hevur sitið eitt ár at gerast eykalimur, heldur enn nevndarlimur.

Inn fyri Duritu Olsen og Torben Nielsen komu Sverri Justinussen og Áge Arholdsson

Eykalimir vera Torben Nielsen og Jóhannes Nielsen

Nevndin hevur ikki skipað seg enn, men skipar seg á næsta fundi.

by admin

Nýggj nevnd vald á aðalfundinum

Í kvøld var aðalfundurin hjá Hondbóltsfelagnum hjá Tjaldur í hølunum hjá Tjaldur.

Undan fundinum var greitt, at Niels Peter Bech og Fróði Lassen ikki ynsktu at taka við afturvali.

Tískil var eisini greitt, at nýtt fólk skuldi veljast í nevndina. Durita Olsen og Selinda í Heiðunum tóku við afturvali, meðan nýggju fólkini í nevndini eru, Torben Nielsen, Maud Hansen og Jákup Martin Jacobsen. Tiltakslimir eru Andrias Jacobsen og Johnny Lamhauge

Nýggja nevndin hevur skipað seg soleiðis:

Selinda í Heiðunum, forkvinna

Torben Nielsen, næstformaður

Durita Olsen, peningarøkil

Maud Hansen, nevndarlimur

Jákup Martin Jacobsen, nevndarlimur

Andrias Jacobsen, tiltakslimur

Johnny Lamhauge, tiltakslimur

by admin

Nú er klárt at avgreiða luttøkugjaldið

Nú er klárt at gjalda luttøkugjaldið fyri veturin 2015/2016

Undir “Luttøkugjald” í vinstrusíðu, ber til at velja liðið sum tit spæla við.

Tá tit hava goldið, so fáa tit ein bólt við í gjaldinum.

Vit hava hugsað at tað skal vera loyvið at prøva at spæla hondbólt fram til 1. oktober. Eftir tað skulu øll hava goldið luttøkugjaldið.

Vh

Hondbóltsfelagið Tjaldur

by admin

Hondbóltsfelagið Tjaldur hevur longt stuðulsavtalunað við Tryggingarfelagið Føroyar

Hondbóltsfelagið Tjaldur og Tryggingarfelagið Føroyar hava síðstu árini havt eina stuðulsavtalu, ið hevur verið galdandi fyri ungdómsliðini hjá Tjaldur.

Hetta hevur merkt, at øll ungdómsliðini hjá Tjaldur hava spælt við búmerkinum hjá Tryggingarfelagnum Føroyar á búkinum.

Hendan avtalan er nú longd, soleiðis at Tryggingarfelagið Føroyar kemur at standa á klæðunum hjá felagnum í minst tvey ár afturat.

Hondbóltsfelagið Tjaldur gleðist um at Tryggingarfelagið Føroyar vil stuðla Tjaldur við tí arbeiði felagið ger.

Tjaldur takkar Tryggingarfelagnum Føroyar fyri stuðulin.