Tjaldur átti tvey lið í steypafinalunum sum vóru leiktar í Havn í dag. Bæði dreingir 10 og dreingir 12 høvdu spælt seg í finaluna.

Finalan hjá dreingir 10 ár var millum Tjaldur og H71.
Tjaldur fekk ongantíð ordiligt tak á dystinum. Serliga í byrjanini sá út til at dreingirnir vóru eitt sindur nervøsir og leingi gekk áðrenn glið kom á spælið. Tjaldur royndi tá at hótta móti H71 málinum, har serliga Morits Heini hevði fleiri góð skot.
Í hálvleikinum vóru bert 2 mál á muni, so møguleikin var heilt vist til staðar at fáa ein góðan og spennandi seinna hálvleik.Trupult var tó at fáa minka um munin. Okkara dreingir dekkaðu væl allan seinna hálvleik, men í álopinum gekk illa at fáa bóltin í netið. Tískil fekk Tjaldur ikki hála inn á aftur H71 sum vann dystin 4-7.

Finalan hjá dreingir 12 ár var millum Tjaldur og Kyndil
Tjaldur byrjaði dystin væl, og var á odda stóran part av fyrra hálvleiki, men sløsaði so nakrar bóltar vekk móti endanum av hálvleikinum soleiðis at Kyndil fekk eina keðiliga tvey máls leiðslu. Tað sum kanska serliga merkti Tjaldur var at teir fingu fleiri ferir tveir minuttir útvísingar, sum kyndlamenn revsaðu sera hart. Í seinna hálvleiki kom Tjaldur at hanga afturúr allatíð og tískil mistu dreingirnir móti tá 5 minuttir vóru eftir og munurin gjørdist óneyðuga stórur.

Bæði liðini fingu tó eina góða uppliving, við tað at høllin var næstan fullsett umframt tann fína vøllin og hallar speakararnar, sum veruliga settu dám á dystirnar.

Tjaldur ynskir báðum liðunum tillukku við silvurmerkjunum og góða eydnu í landskappingini.

Fleiri myndir síggjast undir myndasavninum vinstru megin.